Nga: Flutura Açka!
Fundjavë e parë të shtatorit në të gjitha libraritë shqiptare 🤍
Parlamenti që doja
(fragment)
[Kur flas për Parlamentin, nuk po flas për zgëqin ku rri garda, nuk po flas për tualetet mjerane, dhomat e ngushta të shërbimit, qoshkun e transmetimit të drejtpërdrejtë, mënyrën primitive të marrjes së apelit, garderobën, dhomëzat ndihmëse, të cilat nuk di pse iu thonë sallat e Komisioneve Parlamentare. Nuk po flas për muaj të tërë pa kurrfarë aksesi në rrjetin e internetit, për mosfunksionimin e adresave të e-mailit, të kontrollit të rreptë të postës elektronike dhe të kufizimeve kësidoresh; nuk po flas për pajisjet e punës, të ca tabletëve që iu dhanë deputetëve në krye dhe nuk punuan kurrë siç duhe; nuk po flas për ndarjen e zyrave vetëm për deputetë të caktuar.
Rikonstruksioni i godinës së Parlamentit gjatë verës së vitit 2010, i dha njëfarë frymëmarrjeje, ndikoi në ndriçimin e sallës së Seancave Plenare, në sistemin elektronik të votimit, cilësinë e mobilimit, por rutina e punës së prapavijës dhe mentaliteti i funksionimit të Parlamentit, nuk ndryshoi kurrë.]
Javë të mbarë, Miq! ❤️
Leave a comment