Prishtinë, 20 Korrik 2025 – Kryetari i Partisë Demokratike të Kosovës zhvilloi sot një takim me Brendan Hanrahan, Zyrtar i Lartë i Byrosë për Çështjet Evropiane dhe Euroaziatike në Departamentin e Shtetit të SHBA-së.
Në këtë takim u diskutua për zhvillimet aktuale politike në vend dhe në rajon. Kryetari i PDK-së ritheksoi përkushtimin e partisë për forcimin e bashkëpunimit politik, rritjen e funksionalitetit institucional dhe avancimin e proceseve që i shërbejnë qytetarëve të Kosovës.
Ai nënvizoi nevojën për stabilitet të qëndrueshëm, zhvillim ekonomik dhe përforcim të perspektivës euroatlantike të vendit. Gjithashtu, në fokus të bisedës ishte rëndësia e një marrëveshjeje përfundimtare ndërmjet Kosovës dhe Serbisë, me njohjen reciproke si element thelbësor.
Kryetari vlerësoi lart rolin e SHBA-së si aleat i pazëvendësueshëm dhe garantues i paqes dhe stabilitetit në rajon, duke theksuar se Kosova do të mbetet gjithmonë një partnere e palëkundur e Shteteve të Bashkuara të Amerikës.
Leave a comment