Ministria e Arsimit dhe Sportit njofton se nga data 29 Korrik deri më 3 Gusht 2025, të gjithë maturantët që kanë përfunduar me sukses Maturën Shtetërore mund të aplikojnë për përzgjedhjen e deri në 10 programe studimi në universitetet publike dhe private të vendit.
Aplikimet bëhen vetëm online përmes portalit zyrtar:
🔗 https://ualbania.al
U ftojmë të gjithë maturantët të përfitojnë nga kjo mundësi për të zgjedhur programet e preferuara të studimit. Përzgjedhja duhet bërë me kujdes, duke marrë parasysh interesat, rezultatet dhe objektivat personale për të ardhmen,” – thuhet në njoftimin zyrtar të Ministrisë së Arsimit dhe Sportit.
Si funksionon aplikimi ?
Maturantët kanë të drejtë të zgjedhin deri në 10 degë të ndryshme, të renditura sipas preferencës.
Pas përfundimit të afatit, sistemi do të kryejë renditjen automatike të kandidatëve bazuar në rezultatet e Maturës dhe prioritetet e përzgjedhura.
Publikimi i rezultateve dhe fazat e mëtejshme të regjistrimit do të bëhen publik në të njëjtën platformë.
Afati për aplikim mbyllet më 3 Gusht 2025, ora 23:59.
Ky proces është pjesë e iniciativës #StudionëShqipëri, e cila synon të nxisë të rinjtë të ndjekin arsimin e lartë në institucionet shqiptare, me fokus tek cilësia, zgjedhja e informuar dhe përgatitja për tregun e punës.
Leave a comment