Medjugorje, Bosnjë-Hercegovinë – Gusht 2025
Nga data 1 deri më 6 gusht 2025, qyteti i vogël i Medjugorjes në Bosnjë-Hercegovinë u shndërrua sërish në zemrën rrahëse të rinisë katolike botërore. Rreth 50,000 të rinj nga më shumë se 70 vende janë mbledhur për të marrë pjesë në “MladiFest”, festivalin e 36-të të të rinjve, që prej dekadash ka qenë një burim frymëzimi, besimi dhe shprese për brezat e rinj.
E veçanta e këtij viti është prania domethënëse e të rinjve shqiptarë, të cilët jo vetëm që morin pjesë aktivisht në lutje, kremtime dhe procesione, por edhe shfaqin me krenari flamurin kuqezi, që valvitet në rreshtin e parë të pelegrinëve. Ai sot u bë simbol i përfshirjes, i besimit të gjallë dhe i dëshirës së një rinie që kërkon Zotit në një kohë sfidash të mëdha shpirtërore.
Si pjesëmarrës po jetojmë çdo ditë meshë e shenjtë, adhurimin eukaristik, katekeza, si dhe dëshmi prekëse nga të rinj që kanë ndryshuar jetën e tyre përmes takimit me Zotin dhe me Zojën e Bekuar të Medjugorjes.
Ky festival, që për shumë vetë është bërë një kthesë shpirtërore, dëshmon sërish fuqinë e unitetit në fe dhe dashurinë universale të Krishtit.
“Këtu ndjehemi një në Zotin e me vete do marrim një dritë që nuk shuhet kurrë.”
Leave a comment