Dhoma e Avokatisë së Shqipërisë shpall bojkot kombëtar pas arrestimit të avokatit Uljan Barjami

Pregatitit : Sindi Kasalla

Tiranë, 19 tetor 2025 Komiteti Drejtues i Dhomës së Avokatisë së Shqipërisë ka marrë një vendim të jashtëzakonshëm pas arrestimit të avokatit Uljan Barjami, duke shpallur bojkot kombëtar të të gjitha proceseve gjyqësore nga data 20 deri më 25 tetor 2025.Sipas vendimit, avokatët në të gjithë vendin do të pezullojnë pjesëmarrjen në çdo seancë gjyqësore penale, civile dhe administrative, në të gjitha shkallët, përfshirë edhe Gjykatën Kushtetuese. Përjashtohen vetëm seancat për caktim apo shuarje të masave të sigurimit.Komiteti e cilëson ngjarjen “tepër të rëndë” dhe ka kërkuar angazhimin urgjent të institucioneve të drejtësisë, përfshirë Inspektorin e Lartë të Drejtësisë, Këshillin e Lartë Gjyqësor dhe Këshillin e Lartë të Prokurorisë.Gjithashtu, moszbatimi i vendimit të bojkotit nga ndonjë avokat do të konsiderohet shkelje e rëndë disiplinore, me pasoja që mund të çojnë deri në pezullim apo heqje licence.Në shenjë proteste, Dhoma e Avokatisë ka njoftuar edhe shtyrjen e tryezës me Ministrinë e Drejtësisë, e planifikuar më 20 tetor për diskutimin e Projekt Kodit Penal.Vendimi është firmosur nga Prof. Dr. Maksim Haxhia, kryetar i Komitetit Drejtues të Dhomës së Avokatisë së Shqipërisë.