Anduel Xhindi emërohet Prefekt i Qarkut Fier

Fier, 8 Tetor 2025 Këshilli i Ministrave ka miratuar sot emërimin e Anduel Xhindit në detyrën e Prefektit të Qarkut Fier, duke zëvendësuar në këtë post Arben Çukon. Vendimi hyn në fuqi menjëherë pas botimit në Fletoren Zyrtare. Anduel Xhindi është një figurë e njohur në jetën publike dhe politike në vend. Ai ka shërbyer si deputet i Partisë Socialiste në Kuvendin e Shqipërisë dhe ka drejtuar për një periudhë kompaninë shtetërore të sigurisë “Illyrian Guard” Në rolin e tij si Prefekt, Xhindi do të jetë përfaqësues i qeverisë në territor dhe do të ketë përgjegjësi për. Zbatimin e politikave dhe vendimeve qeveritare në nivel vendor. Koordinimin e institucioneve shtetërore në qark. Mbikëqyrjen e ligjshmërisë së akteve të pushtetit vendor. Drejtimin e Këshillit Vendor të Sigurisë Publike. Ky vendim vjen si pjesë e procesit të përforcimit të administratës së prefekturave dhe synon rritjen e bashkëpunimit ndërmjet pushtetit qendror dhe atij vendor.