Belinda Balluku përkrah kandidaturën e Ogerta Manastirliut për Kryetare Bashkie Tiranë

Një hap i guximshëm dhe plot përkushtim! Ogerta Manastirliu njoftoi kandidaturën e saj për Kryetare të Bashkisë Tiranë, ndërsa mbështetja e bashkëpunëtorëve dhe miqve të saj nuk vonoi. Belinda Balluku, e cila ka ndarë me Manastirliun vite bashkëpunimi, miqësie dhe ëndrra për fëmijët dhe komunitetin, e përshkroi kandidaturën e saj me fjalë të ngrohta:
“Prej vitesh kemi ndarë beteja, miqësi, ëndrra dhe plane për fëmijët tanë, biseda të pafundme dhe momente që nuk harrohen. Sot e shoh me zemrën plot, tek merr një hap të guximshëm për të kandiduar si kryetare e Bashkisë Tiranë, lokomotivës së Shqipërisë. E njoh mirë, e di sa shumë punon, sa shumë i do njerëzit dhe sa sinqerisht kujdeset për çdo gjë që merr përsipër. Jam krenare për ty @manastirliu.ogerta dhe nuk ka nevojë të të them që na ke të gjithëve në krah, në këtë betejë të re që do e fitosh siç ti gjithmonë di. Mesazhi i Ballukut reflekton jo vetëm përkushtimin dhe sinqeritetin e Manastirliut, por edhe lidhjen personale që i bashkon, duke rikujtuar momentet e bukura të përbashkëta dhe duke e uruar publikisht për këtë sfidë të re politike. Kandidatura e Manastirliut synon të sjellë ndryshime konkrete dhe të kontribuojë në zhvillimin e kryeqytetit, duke e bërë Tiranën një vend më të mirë për banorët e saj.