Në një kohë kur transparenca duhet të jetë arma e çdo përfaqësuesi të popullit, deputetja Antoneta Dhima ka zgjedhur të mbyllë hapësirën e komenteve në rrjetet e saj sociale. Një veprim i pazakontë, sidomos për një deputete me katër mandate, e cila teorikisht duhet të dëgjojë qytetarët, jo t’u vendosë “veto”. Ndërkohë që edhe një francez i panjohur në TikTok merr 50 pëlqime, deputetja jonë preferon heshtjen. Çfarë fshihet pas kësaj mbylljeje?
Mos vallë ka ndonjë histori të pakëndshme? Mos është përfshirë në ndonjë ngatërresë politike apo personale? Apo thjesht nuk ka më durim për zërin e qytetarëve? E çuditshme mbetet edhe heshtja e partisë së saj. Pse nuk “i hap zemrën” strukturave? A është vendim personal, apo vjen si presion nga brenda partisë? Dilema pas dileme… një deputete që mbyllet nga qytetarët është gjithmonë një shenjë alarmi. Ç’po ndodh me Antoneta Dhimën?
Kjo mbetet pyetja që sot shumë qytetarë bëjnë, ndërsa deputetja zgjedh të qëndrojë në heshtje.
E heshtja, siç dihet, gjithmonë flet më shumë se fjalët.
Leave a comment