EMËRIM ZYRTAR
Newslibero.com ka kënaqësinë të njoftojë emërimin e znj. Mimoza Rexhvelaj në cilësinë e Korrespondentes për Veriun e Shqipërisë.
Znj. Rexhvelaj, e lindur në Fier dhe e rritur në Malësinë e Madhe, është një emër i njohur në fushën e letrave shqipe, me një karrierë të pasur si poete, studiuese dhe profesioniste e fjalës. Ajo ka përfunduar studimet në Gjuhë-Letërsi dhe Juridik, si dhe mban gradën “Master” në Etnokulturë. Me përvojën dhe ndjeshmërinë e saj të veçantë ndaj zhvillimeve kulturore, sociale dhe letrare në zonën e Veriut, znj. Rexhvelaj përfaqëson me dinjitet vlerat që Newslibero.com synon të përcjellë.
Ky emërim synon të forcojë praninë dhe mbulimin tonë redaksional në Veriun e Shqipërisë, përmes raportimit cilësor, të përgjegjshëm dhe profesional.
Mirë se erdhe në ekipin tonë, znj. Rexhvelaj!
E mail: mimoza-rexhvelaj@hotmail.com
📍 Drejtoria Redaksionale
Newslibero.com
Leave a comment