Oda Ekonomike Amerikane në Kosovë organizoi këtë javë forumin “Largimi i Barrierave: Ndikimi Ekonomik i Tarifave 0% për Importet Amerikane” për të diskutuar përfitimet e vendimit të Qeverisë së Kosovës për heqjen e tarifave doganore për mallrat amerikane. Fjalimet kryesore u mbajtën nga Anu Prattipati, e Ngarkuara me Punë në Ambasadën e Shteteve të Bashkuara të Amerikës në Kosovë, Hekuran Murati, Ministër në Detyrë i Financave, Punës dhe Transfereve, dhe Agron Llugaliu, Drejtor i Përgjithshëm i Doganës së Kosovës. Një prezantim teknik lidhur me certifikimin e origjinës amerikane të mallrave u dha nga Sali Hoda, Udhëheqës i Sektorit të Origjinës në Doganën e Kosovës.
Për perspektivat e biznesit folën Fikret Havolli, Drejtor i Përgjithshëm i Orbico dhe Kryesues i Komitetit të Tregtisë të Odës Amerikane, Agron Jusufi, Kryeshef Ekzekutiv i Katana dhe Kryesues i Komitetit të Mbrojtjes dhe Sigurisë të Odës Amerikane. Drejtori Ekzekutiv i Odës Amerikane, Arian Zeka, theksoi se heqja e tarifave pasqyron rekomandimet e kahershme të Odës Amerikane dhe komunitetit të biznesit dhe përgatit terrenin për rritjen e investimeve dhe tregtisë. Ky vendim hap derën për lidhje më të forta tregtare dhe investimi, ua lehtëson bizneseve amerikane suksesin në Kosovë dhe zgjeron aksesin e Kosovës në produkte amerikane me cilësi të lartë.
Leave a comment