Nis viti i ri shkollor sot

Sot, dielli sikur lindi më herët dhe bota u zgjua më herët nga një dritë më e ngrohtë. Rrugët u mbushën me zëra fëmijësh, me buzëqeshje të pafajshme dhe sy që shkëlqejnë nga kureshtja dhe ëndrrat e reja. Prindër e fëmijë, dorë për dore, iu drejtuan dyerve të dijes, duke u besuar mësuesve, misionarëve të dijes.
Ky është fillimi i një udhëtimi të rëndësishëm, që kërkon jo vetëm angazhimin e nxënësve, por edhe dashurinë, përkushtimin dhe bashkëpunimin e ngushtë ndërmjet prindërve dhe mësuesve.
Pas përgatitjes së kujdesshme nga institucionet përkatëse, shkollat sot hapën dyert e tyre në shërbim të dijes dhe të ardhmes së brezave të rinj.
Urojmë një vit të mbarë shkollor për të gjithë! Le të jetë një vit i mbushur me suksese, bashkëpunim dhe arritje të përbashkëta!