Nga Elis Baba, Kryetar i Lëvizjes “Bashkë Fier”
Në një kohë kur shoqëria shqiptare ka nevojë më shumë se kurrë për zëra të sinqertë, bashkëbisedim të hapur dhe të përgjegjësi publike, ne lançojmë nismën “Ta Themi Bashkë”.
Kjo nismë synon që çdo javë të sjellë në qendër të vëmendjes tema me interes të gjerë publik, përmes ftesës së qytetarëve aktivë, profesionistëve dhe përfaqësuesve të komunitetit.
Qëllimi ynë është i qartë:
Të krijojmë një hapësirë ku fjala e lirë, mendimi ndryshe dhe ideja për një Shqipëri më të drejtë dhe më të bashkuar të mos mbeten vetëm fjalë, por të kthehen në shtysë për ndryshim.
Biseda jonë e parë është simbolike: ajo zhvillohet me një qytetar që përfaqëson zërin e njerëzve të thjeshtë, atyre që besojnë se Shqipëria mund të jetë një vend ku askush nuk dëshiron të largohet, nëse ajo drejtohet me mendësi të drejtë dhe me dashuri për vendin.
“Ta Themi Bashkë” nuk është vetëm një emër është një ftesë për dialog, për bashkim të energjive pozitive dhe për të ndërtuar një të ardhme më të mirë së bashku me qytetarët.
Leave a comment