Nga: Newslibero.com Informim Special.
Pezullimi i Belinda Ballukut nga GJKKO nuk është thjesht një veprim formal ndaj një zëvendëskryeministreje apo një ministreje të rëndësishme të kabinetit. Për Newslibero.com, kjo është vetëm maja e një ajsbergu shumë më të madh që prek direkt qarkun e Fierit dhe qytetarët fierakë, të cilët prej vitesh kanë mbartur pasojat e vendimmarrjeve të saj.
Balluku duhet të hetohet dhe të mbajë përgjegjësi jo vetëm për funksionet e larta shtetërore që ka mbuluar, por edhe për pasojat konkrete që politikat, projektet dhe vendimet e saj kanë sjellë në Fier. Ky qark është dëmtuar jo vetëm në infrastrukturë, por edhe në cilësinë e shërbimeve publike, në administratën lokale dhe në emërimet politike që, sipas burimeve në terren, kanë qenë ndër më të dobëtat e dekadës së fundit. Në Fier, qytetarë dhe aktorë lokalë politikë flasin hapur për “një zinxhir paaftësish” që u vendosën pranë pushtetit lokal nën ndikimin e Ballukut. Pasojat këto që kanë lënë prapa kosto ekonomike, sociale dhe institucionale të konsiderueshme.
Kjo nuk është më një çështje që duhet hetuar vetëm nga SPAK.
Duke parë peshën e pozicioneve që ka mbajtur Balluku dhe ndikimin e saj në projekte të ndjeshme kombëtare, kërkohet:
hetim i plotë nga të gjitha agjencitë e inteligjencës,
auditim i thelluar i çdo projekti strategjik,
rishikim i të gjitha vendimeve administrative të lidhura me qarkun e Fierit dhe jo vetëm.
Ky është momenti ku struktura të ndryshme të shtetit duhet të përfshihen njësoj si në çështjet e sigurisë kombëtare, sepse bëhet fjalë për dëme me ndikim të gjerë publik.
Për sa kohë kryeministri Edi Rama vazhdon të këmbëngulë se pezullimi i Ballukut është “keqkuptuar” dhe se çështja është tashmë në Gjykatën Kushtetuese, mbetet e paqartë nëse qeveria kërkon transparencë apo po përgatit rikthimin e saj politik.
Newslibero.com do të vijojë ta ndjekë këtë dosje deri në fund.
Leave a comment