Nuk është vetëm ndjenja e lodhjes apo nervozizmit që të zë. Stresi i vazhdueshëm po bën më shumë dëme se sa mendon. Ai po tkurr zonën e trurit ku mëson, ku kujton dhe ku merr vendimet më të rëndësishme për jetën tënde. Po ashtu, po zmadhohet pjesa që të bën të ndihesh gjithnjë në alarm, frikë, ankth.
Kjo nuk është një paralajmërim i zakonshëm është një thirrje për veprim!
Mendja jote është si toka sa më shumë stres, aq më shumë rrëshqet dhe pluhuri mbulon shpresën. Por nuk është vonë për të ndryshuar. Ti ke fuqinë të ndalosh këtë cikël para se të jetë tepër vonë.
Ja çfarë ndodh me trurin tënd:
Korteksi parafrontal tkurret: Kjo është pjesa që të ndihmon të mendojë qartë, të organizohesh, të marrësh vendime dhe të ruash kujtime. Kur kjo zonë tkurret, ndihesh i humbur, i paqartë, i pavendosur.
Amygdala zmadhohet! Pjesa e trurit që përjeton frikën dhe stresin bëhet më aktive dhe më e madhe. Ti fillon të reagosh me panik dhe ankth edhe për gjëra të vogla, duke ndjerë një tension të vazhdueshëm në trup dhe mendje.
Hippokampusi dobësohet! Kjo zonë që ndihmon kujtesën dhe të mësuarit është si një hard disk kompjuteri por nën stres të lartë, funksionon më ngadalë dhe mund të dëmtohet.
Çfarë ndodh në jetën tënde?
Nuk je më ai person që merr vendime të qarta.
Kujtesa të tradhton kur ke më shumë nevojë për të.
Ankthi të bën të ndihesh i vetmuar, i shqetësuar dhe pa energji.
Por ja ku është e bukura?
truri yt është i adaptueshëm. Ai është si një plastelinë që mund ta formosh sërish me veprime të qëllimshme.
Veprime të forta për të rimarrë kontrollin!
1- Ndaloni. Merrni frymë.
Kur ndiheni të stresuar, ndaloni gjithçka. Merrni 5 frymëmarrje të thella, ngadalë dhe thellë. Kjo e ul menjëherë kortizolin, hormonin e stresit, dhe të ndihmon të rifokusohesh.
2- Lëvizni trupin.
Stresi bën që trupi të mbajë tension. Një shëtitje e shkurtër, disa ushtrime të thjeshta apo edhe vetëm zgjatje, ndihmojnë të çlirosh tensionin dhe të aktivizosh endorfinat — hormonet e lumturisë.
3- Flisni me dikë që ju kupton.
Shpërndarja e mendimeve dhe ndjenjave ul peshën e stresit. Edhe një bisedë e shkurtër me një mik, familjar apo koleg mund të të ndihmojë të shohësh gjërat nga një kënd tjetër.
4-Krijo një rutinë të qetësimit.
Meditim i shkurtër, dëgjim muzike që të qetëson, leximi i një libri apo aktiviteti kreativ mund të zbusin stresin dhe të ringjallin trurin.
5-. Mbani gjumin si prioritet.
Truri ka nevojë për pushim për të rigjeneruar. Pa gjumë, stresi përkeqësohet dhe aftësia juaj për t’u përballur me sfidat bie.
Mos harroni: Ti nuk je viktimë e stresit!
Ti je një luftëtar. Një njeri me fuqinë për të ndryshuar historinë e trurit tënd dhe të jetës tënde. Nuk ka asnjë moshë që të jetë vonë për të filluar.
Filloni sot. Mos e lejoni stresin të pushtojë jetën dhe trurin tuaj. Menaxhimi i stresit nuk është vetëm një luks, është një akt dashurie për veten për shëndetin, për mendjen dhe për zemrën tuaj.
Leave a comment