Zheni Bebi Gjergji Gruaja që u ngrit si feniks mbi hijet e politikës

Në një kohë kur politika shpesh përpëlitet mes lojërave të interesave dhe kuotave të përfitimit, Zheni Bebi Gjergji tregoi se forca, maturia dhe heshtja mund të jenë armët më të fuqishme të një gruaje. E anashkaluar dikur nga qarqe politike që i shërbenin interesave të ngushta, madje edhe nga vetë Sali Berisha, ajo nuk u rrëzua. Përkundrazi, u ngrit si një feniks nga hiri i padrejtësive.
Me dinjitet e urtësi, Zheni Bebi Gjergji e ndërtoi hap pas hapi rrugëtimin e saj jo me fjalë të mëdha, por me punë të heshtur, me përkushtim ndaj njerëzve dhe me dashuri për profesionin. Sot, ajo drejton me profesionalizëm Spitalin e Elbasanit, duke fituar respektin e stafit mjekësor, të pacientëve dhe të opinionit publik.
Në një qytet ku politika shpesh përplaset me realitetin, Zheni doli mbi të u votua ndër më të preferuarat, jo për premtime, por për rezultate. Për qytetarët e Elbasanit, ajo është simbol i gruas që nuk ka nevojë për zhurmë për të bërë ndryshim.
Me një stil drejtimi që ndërthur disiplinën me humanizmin, ajo ka treguar se shërbimi ndaj njeriut është politika më fisnike që mund të ndjekësh. Dhe sot, Zheni Bebi Gjergji, me qetësinë e saj karakteristike, vazhdon t’i shërbejë çdo qytetari, me po atë përkushtim që e ka bërë figurë të respektuar në qytetin e zemrës së Shqipërisë.