Qyteti i Elbasanit u bë sot mikpritës i një eventi të veçantë që solli në zemër të Shqipërisë shpirtin italian dhe pasionin për kulturën e motorëve klasikë. Turi “Made in Italy on Tour”, i përbërë nga dhjetëra vespistë italianë, ndaloi në Elbasan, duke e kthyer qytetin në një pikë takimi të miqësisë shqiptaro-italiane dhe trashëgimisë së përbashkët europiane.
Në një atmosferë festive dhe të ngrohtë, Kryetari i Bashkisë Elbasan, Gledian Llatja, priti delegacionin italian, duke vlerësuar këtë iniciativë si një shembull të shkëlqyer të bashkëpunimit kulturor, promovimit të turizmit dhe forcimit të lidhjeve mes dy vendeve.
“Mikpritja është pjesë e identitetit tonë si qytet. Jemi të lumtur që Elbasani është përfshirë në një tur kaq simbolik për stilin, pasionin dhe traditën italiane. Kjo është një mundësi për të treguar që jemi një qytet i hapur dhe mikpritës, që vlerëson bashkëpunimet dhe promovon vlerat kulturore”, u shpreh z. Llatja gjatë takimit.
Pas një parade të mrekullueshme me Vespa nëpër rrugët kryesore të qytetit, pjesëmarrësit u njohën edhe me disa prej pikave më të rëndësishme kulturore dhe historike të Elbasanit.
Ky aktivitet është një tjetër dëshmi se Elbasani po kthehet gjithnjë e më shumë në një destinacion tërheqës për evente ndërkombëtare dhe bashkëpunime të suksesshme kulturore.
Your point of view caught my eye and was very interesting. Thanks. I have a question for you. https://www.binance.info/ru-UA/register?ref=JVDCDCK4